მარბურგის ვირუსით ინფექცია

მარბურგის ვირუსული ინფექცია შეტყობინებადი დაავადებაა. საჭიროა მაღალი დონის საიზოლაციო ზომების მიღება ინფექციაზე ეჭვის არსებობის შემთხვევაში. მაღალინფექციურია და გადამდები ადამიანიდან ადამიანზე ბიოლოგიური სითხეების, დაბინძურებული ნივთების და ნეშტების მეშვეობით. 

ენდემურია აღმოსავლეთ და ცენტრალურ აფრიკაში და უკავშირდება ხილიჭამია ღამურასთან, გამოქვაბულთან და მაღაროებთან ექსპოზიციას, ასევე უკანასკნელი 21 დღის განმავლობაში დაინფიცირებულ პირებთან მჭიდრო კონტაქტს.

ყველაზე ხშირი გამოვლინებაa მაღალი ცხელება და თავის ტკივილ გასტროინტესტინური ტრაქტის სიმპტომებთან ერთად (გულისრევა/ღებინება). სისხლდენის ნიშნები იშვიათია და უკავშირდება შორსწასულ დაავადებას.

დიაგნოზი დგინდება სისხლის ან პირის ღრუს ლოყის ლორწოვანი მიდამოდან აღებული ნაცხის უკუტრანსკრიპტაზას პოლიმერაზული ჯაჭვური რეაქციის გზით, როგორც წესი, რეფერალური ლაბორატორიის მიერ. ტესტის დადებითობა ადასტურებს მიმდინარე ინფექციას, თუმცა უარყოფითი პასუხის შემთხვევაში ინფექციის გამორიცხვა არ შეგვიძლია გარდა შემთხვევისა, როდესაც სიმპტომები 72 საათზე ხანგრძლივად მიმდინარეობს.

სპეციფიკური მკურნალობა არ არსებობს; ისტორიულად ლეტალობის მაჩვენებელს 90%-თვის მიუღწევია. ებოლასთან ბრძოლის ბოლოდროინდელ გამოცდილებაზე დაყრდნობით ამ მაჩვენებლის გაუმჯობესება შესაძლებელია დამხმარე მოვლითა და რეჰიდრატაციით.

იშვიათი, მაგრამ მძიმე ზოონოზური ინფექციაა, რომელსაც იწვევს Filoviridae-ის ოჯახის რნმ-ის მქონე ვირუსი (სახეობა - მარბურგის ვირუსი). არსებობს ვირუსის ორი შტამი, მარბურგის ვირუსი (MARV) და რავნის ვირუსი (RAVV). აღნიშნული ვირუსები ჰგვანან, მაგრამ მაინც განსხვავდებიან ებოლას ვირუსული ინფექციისგან. მარბურგის ვირუსი პირველად აღმოაჩინეს 1967 წელს, როდესაც ევროპის რამდენიმე ლაბორატორიაში ერთდროულად განვითარდა ეპიდაფეთქება, ერთ-ერთი ასეთი ლაბორატორია გერმანიის ქალაქ მარბურგში იყო.

მარბურგის ვირუსით ინფექცია წარმოადგენს მდგომარეობათა ჯგუფის ნაწილს, რომელსაც ვირუსულ ჰემორაგიულ ცხელებებს უწოდებენ. ვინაიდან მარბურგის ვირუსული ინფექცია ვლინდება ებოლას ვირუსული ინფექციისთვის დამახასიათებელი ნიშნების მსგავსად და ებოლას ვირუსთან დაკავშირებით მეტი გამოქვეყნებული ინფორმაცია არსებობს, ზოგიერთი ძირითადი განცხადება და დასკვნა მარბურგის ვირუსული ინფექციის მოვლის საუკეთესო საშუალებასთან დაკავშირებით ეფუძნება ებოლას შესახებ არსებულ ცოდნას.[1]Centers for Disease Control and Prevention. Marburg haemorrhagic fever fact sheet. December 2014 [internet publication]. http://www.cdc.gov/vhf/marburg/pdf/factsheet.pdf [2]World Health Organization. Marburg haemorrhagic fever fact sheet. October 2017 [internet publication]. http://www.who.int/mediacentre/factsheets/fs_marburg/en/

აგრეთვე ცნობილია, როგორც მარბურგის ვირუსული დაავადება და მარბურგის ჰემორაგიული ცხელება.

BMJ talk medicine podcast: Marburg virus external link opens in a new window