შემთხვევის ანამნეზი

შემთხვევის ანამნეზი #1

კონგოს დემოკრატიულ რესპუბლიკაში, ებოლას სკრინინგის ცენტრში მოთავსდა 35 წლის მამაკაცი, რომელსაც 3 დღის განმავლობაში აღენიშნებოდა დიარეა, ღებინება და ცხელება. პაციენტის თქმით, იგი იმყოფებოდა ექთნის გასვენებაში, რომელიც 2 კვირის წინ გარდაიცვალა ებოლას ვირუსის ინფექციით. 24 საათით ადრე მას განუვითარდა დისფაგია და სლოკინი, თუმცა შემდეგ ჩვეულებრივ შეეძლო კვება. მას არ აქვს სისხლდენის სიმპტომები. გასინჯვით პაციენტს აღმოაჩნდა მსუბუქი კონიუნქტივის სიწითლე, ტანზე სუსტი მაკულოპაპულური გამონაყარი, ეპიგასტრალური მტკივნეულობა და ჰეპატომეგალია. ჰოსპიტალიზაციის დროს მისი სასიცოცხლო ნიშნები იყო: 38.3° C ტემპერატურა, გულისცემის სიხშირე - 100 დარტყმა წუთში, არტერიული წნევა 115/62 მმ.ვწყ.სვ, სუნთქვის სიხშირე - 25 ჩასუნთქვა წუთში და ჟანგბადის სატურაცია -99%.

შემთხვევის ანამნეზი #2

37 წლის ექიმი, რომელიც კონგოს დემოკრატიულ რესპუბლიკაში მუშაობდა ებოლას სამკურნალო ცენტრში, 3 დღის წინ დაბრუნდა გაერთიანებულ სამეფოში. პაციენტს დაახლოებით 12 საათია აღენიშნება ცხელება, ასევე თავის ტკივილი და მიალგია. მისი თქმით, ებოლას სამკურნალო ცენტრში, 10 დღის წინ, ფლაკონის გახსნის დროს მან მიიღო ჭრილობა. კონგოს დემოკრატიულ რესპუბლიკაში ყოფნის დროს, პაციენტი იღებდა ატოვაქონს/პროგუანილს მალარიას პროფილაქტიკისთვის. გასინჯვით პათოლოგიური მაჩვენებლები არ ვლინდება, გარდა კოღოს რამდენიმე ნაკბენისა. მისი სასიცოცხლო ნიშნებია: ტემპერატურა - 39.0°C, გულისცემის სიხშირე 110 დარტყმა წუთში, არტერიული წნევა 120/75 მმ.ვწყ.სვ., სუნთქვის სიხშირე 25 ჩასუნთქვა წუთში და ჟანგბადით გაჯერება 99%.

სხვა გამოვლინებები

იმ პირებს, რომლებიც საბოლოოდ კვდებიან ებოლას ვირუსით ინფიცირების შედეგად, ადრევე უვითარდებათ კლინიკური ნიშნები, ტიპიურად ინფიცირებიდან 6-16 დღის განმავლოვაში გარდაცვალებით (შოკისა და მულტიორგანული უკმარისობიდან გამომდინარე).[4][13][14][15]

სისხლდენის გამოვლინება (მაგ. ეპისტაქსისი, სისხლდენა ღრძილებიდან, ჰემოფთიზი, ადვილი ჩალურჯება, სისხლდენა კონიუნქტივაში, ჰემატურია, ინექციის ან ვენიპუნქტურის ადგილებიდან სითხის გადმოსვლა) დაფიქსირდა დაინფიცირებული პაციენტების 30%-36%-ში წინა ეპიდაფეთქებების დროს;[8][16][17] თუმცა, სისხლდენა 2014 წლის ეპიდაფეთქების დროს პაციენტების მხოლოდ 5-18-ში დაფიქსირდა.[18][19] მხოლოდ ფატალური შემთხვევების დროს აღინიშნება ძლიერი სისხლდენა, რომელიც, როგორც წესი, კუჭ-ნაწლავის ტრაქტში ვლინდება(მაგ: სისხლიანი დიარეა, მელენა).[16][20][21][22] გარეგანი ნიშნების არარსებობის შემთხვევაში შესაძლებელია არ აღინიშნებოდეს შინაგანი სისხლდენა.

მძიმე ან შორს წასული ინფექციის მიმანიშნებელი სხვა ნიშნებია: სლოკინი, ჰიპოტენზია, ტაქიკარდია, ჰეპატომეგალია (ღვიძლის გადიდება), სპლენომეგალია (ელენთის გადიდება), გონების არევა და გულყრები.

პაციენტების თითქმის ნახევარს აქვს მაკულოპაპულური გამონაყარი, რომელიც კოაგულოპათიის მქონე პაციენტებში შესაძლებელია გახდეს მოწითალო ფერის ან პეტექიური.[16][23]

ამ მასალის გამოყენება ექვემდებარება ჩვენს წესებს