İmpetiqo

Dərinin, adətən, uşaqlarda baş verən yüksək kontagioz və geniş yayılmış bakterial infeksiyasıdır; məktəb və uşaq bağçaları üçün əsas amildir.

Adətən, stafilokok və ya streptokok mənşəli. Diaqnoz çox vaxt klinikidir; xəstəlik genişhəcmlidirsə və ya infeksiyanın yayılma riski varsa, bakterial dəri kulturaları toplanılmalıdır.

Kiçik travma və ya digər patologiya nəticəsində zədələnmiş dəri infeksiyaya qarşı xüsusilə həssasdır.

Spontan və ya antiseptiklərin təsirindən sağalmaya meyillidir.

Yerli antibiotiklərlə (məs., mupirosin və ya fuzid turşusu) müalicə effektivdir, lakin bəzi regionlarda antibiotiklərə qarşı davamlılıq problemi ola bilər.

Əgər infeksiya yerli müalicəyə qarşı davamlıdırsa, ağırlaşmalar əmələ gəlmişdirsə (məsələn, kəskin revmatik qızdırma), və ya infeksiyanın daha dərin toxumalara yayılmasına şübhə varsa, sistemli antibiotiklərin istifadəsinə ehtiyac yarana bilər.

İmpetiqo dərinin səthi, kontagioz, qovuq əmələ gətirən infeksiyası olaraq, Staphylococcus aureus və Streptococcus pyogenes bakteriyaları tərəfindən törədilir. Onun 2 forması mövcuddur: bullyoz və qeyri-bullyoz. Qovuqlar, diametri >0,5 sm olan maye ilə dolu zədələrdir.

Qeyri-bullyoz forma daha çox yayılmışdır (70% hallarda).[1]Hartman-Adams H, Banvard C, Juckett G. Impetigo: diagnosis and treatment. Am Fam Physician. 2014 Aug 15;90(4):229-35. https://www.aafp.org/afp/2014/0815/p229.html http://www.ncbi.nlm.nih.gov/pubmed/25250996?tool=bestpractice.com Bu formada qovuqların əmələ gəlməməsinə baxmayaraq, xəstəliyin erkən mərhələsində keçici olaraq vezikullar (diametri <0,5 sm olan maye ilə dolu zədələr) əmələ gələ bilər. Staphylococcus aureus, Streptococcus pyogenes və ya eyni zamanda hər iki mikroorqanizm tərəfindən törədilir. Zədələr dərinin travma olan nahiyəsində əmələ gəlir.

Bullyoz impetiqonun səbəbi dərinin Staphylococcus aureus mənşəli infeksiyasıdır. Yaralar zədələnməmiş dəridə əmələ gəlir.